وحات الله ( وفا ) بت جيرانا دي جنت …!! البت دي التلفون لحس مخها …!! الأربعة وعشرين ساعه مركزا مع الشاشه ….تكون بتحب ….!!؟ والله حتي لو بتحب..!!! الا تكون بتحب ( استعلامات المطار …) معقوله لكن …!! يكون واتساب ياربي …!!؟؟ انت كمان مالك ومالا ياعلوب هي حره ياخ …!!!لكن بالجد ياخوانا البت دي شفقتني ….!! القاها ليك مع ناس مشاعر اختي تتونس وراسا ده مابترفعو من الموبايل… (ماشاء الله ….) اها بالصدفة كده وصلتا لطرف خيت ….!!! انا عندي كم قروب كده مشترك فيهم ….!! أها قروباتي دي كلها بلقي ليك (وفا) دي قاعده في النص ….!! انا ذاتي اتحيرتا ….!!! بأمانه قررتا اشوف القصة دي صدفه ولا الحاصل شنو …!!!؟ قمتا سجلتا لي في سبعه قروبات جداد …!!! بتصدقو (وفا ) قاعده في السبعة …!!! شكيتك علي الله …!! (عرفتك بتمشي وين يابت اللذينا …!!! ) واريتا لو قاعده ساكت تتاوق ….!! والله قاعده ومحكره… وبي حقها ….!! يشهد الله مابتفوت ليها بوست الا تعبر وتنداح …!! لا وكمان جنس حرفنه …اصلو مابتلاوز ….مع ناس (هجيجنا ) خاتا قرض ….!!! اليدين ديل في السما …!!! وتشيل وتغني ….!! ومنبرشه بي هناك داقه صيوان في (منبرشات ) …!! وفي قروب كده اسمو( الطريق الي الجنة ) (غسما ) انا قايلا (عشه الغبشاوي ..)…!!! تعليقات مسنوده بالأحاديث …!!! هيااااا وفا …!!! ….اها بس النديكم لمحه من تعليقاتا وأنتو قولو لي كان انا غلطان …!!
في واحد من (القروبات ) دي واحد كاتب ….(العنوسة ليست هي عدم الزواج …!! العنوسه ان لايكون لديك هدف تعمل لأجله ..) كلام جميل ….!!! اها خمسه دقايق (وفويه ) جات تتسحب …..!! اول حاجه طجت اللايك حقها حجزت بيهو (بنبرا ) في البوست …وقالت كده استعدلت للكومنت …!! اها أقرو معاي تعليق فوفو (بارك الله فيك …خير ماقلت …!!! أضيف ان هذه الكلمة نفسها هي شعار المحبطين ويستخدمها المغرضون ..!! (بقيتي تضيفي كمان ) …!! قلنا تمام كلام ذي العجب …!! اها (وفا ) ذاااتا المابتغباني …. !! بعد عشره دقايق بس واحده كاتبه ..فى قروب (ياالله جيبو عريس … ان شاءالله لو (عتريس) …) (أهو بوستات فضفضه ..) المره دي مالايكت ….(عتريس يكون ماعجبا)…لكن ساعدتا بالكومنت شوفو كاتبا شنو …..(وووووب البوره مابندورا …).،،،والتعليق مرفق بي ( سبعه يدين بصفقو ….) ( صبحيه ياوفا ..!!! صبحيه ..!!! مابالغتي ..!!)
انا كمان ماخلاص اتفرغتا ليها …وجااااري الرصد والتوثيق وهي ماقصرت معاي ،،،أهبش ليك اي قروب من طرف ألقي ليك وفا (مقنقنه ) في النص …!!! اها ده قروب بتاع تكافل كده وأعمال انسانيه…!! قلتا أكيد ديل ماناسا …!!وهي مافاضيه للقصص دي ….ومابتكون حاضره ….!!! بتصدقو المره دي لقيتا منزلا بوست …..!! ( اي والله بوست رسمي ..) ( ألا تريد أن ان تحجز مقعدك في الجنه ..!!؟ إليك اقصر الطرق ..فقط أكفل يتيم ….!! ) والله ياوفويه انا بالشايفو ده انت كافله (الفيس ) ده بس …!!!
لا وكمان عندها ميزه تانيه…!! التواجد في أربعه بوستات في وقت واحد ( البت دي تكون جنيه ) والميزه الأهم بتغير صورة البروفايل في اليوم تلاته مرات حسب الحاله….. يعني الصباح بلقاها ورده …!!! نص النهار بتتحول لي (كديسه… ) بالليل خالص بتنقلب (ممثلة تركيه …!!!) غايتو الكويس إنّو يوم الجمعة ده ثااابت البروفايل (جامع) … …لا وكمان عندها (بنبر) ثابت في (آدم وحوا …) ومابتعلق الا علي بوستات آدم …(إنتي حوا دي نافضاها ولا شنو…) وفي قروب كده ديل بعرفم اسمو (الشلة ) صدقو (وفا ) داخله …!!!؟؟ لا ومقترحه في بوست أنو
القروب يعمل رحله …!!! غايتو عجبني ليها …!! لقيت تلاته لايكات بس ..اتنين من (الادمنز) (وديل بلايكو طوالي لتشجيع الأعضاء) وواحد كده بقش من طرف …(لو في زول عمل حادث بعمل لايك …!!!! ) ….رحله ياوفا …!!؟؟ عليك الله بس كان سألتك بتعرفي منو من الشلة دي …!!!؟؟. لا ولقيتا بالخط العريض في قروب اسمو (الزمن الجميل …) كاتبا (ياحليل درس العصر …!! (يوم واحد تكون مامشت ) …!!!
غايتو لكن يافوفو السويتيها رقدت …!!! وشكوتي لي مارك ياها دي بكتب فيها …المادة ١ (انتحال شخصيه) المادة ٤ (انفصام شخصيه ) الماده ١٧ (شفط الانترنت …)
الليله لاقيتا في الشارع لو شفتو المشيه والحاله تحلف تقول دي ماياها (وفا ) الكانت (بتزغرد ) قبل شويه في (منبرشات …)طبعا في مشيتا دي أدت الموبايل (كحله ) وبراها قعدت تتبسم…!! أكيد واحد (طجاها) لايك ..!! غايتو (مارك ) من شدة ما معجب …!!!بكون رسل ليها طلب صداقة …!!!!
اول مره يلقي سبعتاشر عضو في زول واحد ….كبيره يافوفو…
error: Content is protected !!