احمد بشري
ﺟﻘﺮﺍ ﻓﻲ ﺍﻟﺨﺮﺍﺏ ،،ﺳﺎﺑﻘﺎﻫﻮ ،، ﺩﻳﻤﺔ ﺍﻟﺴﻴﺮﺓ
ﻫﻨﺪﺳﺔ (ﺍﻟﺠﺤﻮﺭ ) ،، ﺑﻌﺮﻑ ﺗﻤﺎﺍﻡ ،،، ﺗﺪﺑﻴﺮﺍ
ﻋﺼﺮﻭ ﺍﻟﺠﻮﻉ ﺩﺣﻴﻦ ،،، ﺍﻟﻠﻴﻠﺔ ﺟﺎﺑﺎ ، ﻛﺒﻴﺮﺓ
ﻗﺮﺽ ( ﺍﻟﻜﺒﺮﻱ ) ،،، ﻭﺍﻟﻨﺎﺱ ﺍﺻﺒﺤﺖ ﻓﻲ ﺣﻴﺮﺓ
عمر بشير
ﻳﺎﺣﻠﻴﻞ ﺍﻟﺒﻠﺪ !! ،،،، ﻡ ﻋﺮﻓﻨﺎ ﻧﺤﻦ ، ﻣﺼﻴﺮﻩ
ﻇﻬﺮﺕ ﻓﻲ ﺍﻟﺼﺤﻒ ﺍﻟﻠﻴﻠﻪ ﺳﺎﺑﻘﻪ ﺧﻄﻴﺮﻩ
ﻣﺎﺩﺍﻡ ﺍﻟﺠﻘﻮﺭ ،،، ﻋﺎﻣﻠﺔ ، ﺍﻟﻜﺒﺎﺭﻱ ﻓﻄﻴﺮﻩ
ﺃﺑﺪﺍ ﻣﺎ ﺑﻌﻴﺪ ،،،، ﻧﻠﻘﻰ ﺍﻟﻘﻌﻮﻧﺠﺔ ﻣﺪﻳﺮﺓ !!!
احمد بشري
ﺟﻘﺮﺍ ﻓﻲ ﺍﻟﺠﻘﻮﺭ ،، ﺍﺍﺍ ﻧﺎﺍﺍﺱ ، ﻓﺮﻳﺪ ﺃﺯﻣﺎﻧﻮ
ﻣﺎ ﺷﻔﺘﻮﻫﻮ ﻛﻴﻒ ،، ﻃﻮﻝ ﻋﻠﻴﻨﺎ ﻟﺴﺎﻧﻮ ؟؟؟
ﺷﺪ ﺍﻟﻬﻤﺔ ﻫﺴﺴﺔ ،،،،،ﻭﻧﺎﺩﻯ ﻛﻠﻠﻞ ﺍﺧﻮﺍﻧﻮ
ﻭﺍﻟﻜﺒﺮﻱ ، ﺍﻟﻐﻠﻴﺪ ،،،، ﺇﺗﺰﻋﺰﺕ ،،، ﺃﺭﻛﺎﻧﻮ
عمر بشير
ﺟﻘﺮﺍ ﻓﻲ ﺍﻟﺠﻘﻮﺭ ،،، ﻣﺪﻏﻠﺒﺎﺕ ﺃﺳﻨﺎﻧﻮ
ﻗﺎﺻﺪ ﻓﻲ ﺍﻟﻀﺮﺭ ،،، ﻧﺎﺱ ﺍﻟﺘﺎﻳﻮﺗﺎ ﻳﻌﺎﻧﻮ
ﺩﺍ ﺍﻟﺤﺸﺪ ﺍﻟﺼﻔﻮﻑ ،، ﻟﻤﻠﻢ ﺟﻤﻴﻊ ﺃﺧﻮﺍﻧﻮ
ﻗﺎﻝ ﺣﺎﻟﻒ ﻋﻠﻴﻜﻢ ،،،،، ﻳﺎﺍﻟﻔﺠﺨﺘﻮ ﺣﻨﺎﻧﻮ
احمد بشري
ﻭﺍﺣﺪﻳﻦ ﻗﺎﻟﻮﺍ : ﺭﺍﺳﻮ ،،، ﺑﻴﺸﺒﻪ ،،، ﺍﻟﻤﺮﺯﺑﺔ
ﻣﺎﻧﻊ ﺻﻮﺗﻮ ﻳﺎﺥ ،،،، ﻣﻨﻮ ﺍﻟﻜﺪﻳﺲ ،،، ﻳﺘﺨﺒﻰ
ﺩﺍ ﺍﻟﺠﻘﺮ ﺍﻟﻤﺪﻏﻠﺐ ،،، ﺑﺎﻟﺘﻘﻴﻴﻴﻞ ،،، ﺇﺗﺮﺑﻰ
ﻋﺎﺍﺍﺩﻱ ﻓﻄﻮﺭﻭ ،،ﻭﺟﺒﺔ ﻣﻦ ﺍﻟﺤﺪﻳﺪ ﻭﺍﻟﺼﺒﺔ ؟؟
عمر بشير
ﺍﻟﺠﻘﺮ ﺍﻟﻐﻠﻴﺪ ،،، ﺍﻟﺮﺍﺳﻮ ﻗﺪﺭ ﺍﻟﻀﺮﺑﺔ
ﻣﺎﻗﺼﺪﻭ ﺍﻟﺨﺮﺍﺏ ،، ﻛﺎﻳﺴﻠﻮ ﺳﺎﺍﺍﻛﺖ ﻣﺨﺒﻲ
ﺇﻧﺪﻫﺶ ﺍﻟﺠﻘﺮ ،،، ﻧﺎﻣﻦ ﻟﻘﺎﻫﺎ ﻣﺮﺑﻲ
ﺣﺎﻟﻒ ﻣﺎ ﻳﻘﻴﻒ ،،، ﺇﻻ ﺍﻟﺠﺴﺮ ،، ﻳﺘﻜﺒﻲ
احمد بشري
ﺟﻘﺮﺍ ﻓﻲ ﺍﻟﺠﻘﻮﺭ ﺷﻔﺎﺍﺗﻲ ،،،ﻋﻴﻨﻮ ،،ﻗﻮﻳﺔ
ﻗﺮﺽ ﺍﻟﻜﺒﺮﻱ ﻗﺎﻟﻮﺍ ،، ﻭﻫﺪﺩ ،، ﺍﻟﻤﻨﺸﻴﺔ
ﻭﺍﺣﺪﻳﻦ ﻗﺎﻟﻮﺍ : ﻫﺎﺩﻱ ﺍﻟﻘﺼﺔ ﻣﻮﻭﻭﻭ ﻋﺎﺩﻳﺔ
ﻭﺍﺣﺪﻳﻦ ﻗﺎﻟﻮﺍ : ﺑﺴﺴﺲ ﺩﻱ ﺳﻴﺎﺳﺔ ﺍﻣﺮﻳﻜﻴﺔ
عمر بشير
ﺍﻟﻔﺎﺭ ﺍﻟﺤﺮﻳﻒ ،،، ﺍﻟﻠﻴﻠﺔ ﺟﺎﺑﻠﻮ ،، ﺟﻨﻴﺔ
ﺗﺤﺖ ﺍﻟﻜﺒﺮﻱ ﻗﺎﻝ ﺣﺎﺍﺍﺍﻟﻒ ،، ﻳﺴﻮﻱ ﺑﻨﻴﻪ
ﺍﻫﻞ ﺍﻻﺧﺘﺼﺎﺹ ، ﻗﺎﻟﻮﺍ : ﺍﻟﺤﻜﺎﻳﺔ ،، ﻋﺼﻴﺔ
ﻭ ﺍﻟﺒﻨﻄﻮﻥ ﺣﻴﺮﺟﻊ ، ﺗﺎﺍﺍﺍﺍﻧﻲ ﻟﻲ ﺍﻟﻤﻨﺸﻴﺔ
error: Content is protected !!