نهر ﺍﻟﻨﻴﻞ ﺑﻠﺪ ﺷﺎﻳﻒ ﺍﻟﺨـﺪﺍﺭ ﻛﺎﺳﻴﻬﺎ
ﻧﻬــﺮ ﺍﻟﻨﻴﻞ ﻭﻻﻳﺘﻲ ﻭﺩﻳﻤﻪ ﺑﻔﺨﺮ ﺑﻴﻬﺎ
ﻧﻬـﺮ ﺍﻟﻨﻴﻞ ﻗﺴﻢ ﺑﻲ ﺩﻣﻲ ﺟﺖ ﺑﻔﺪﻳﻬﺎ
ﻭﺍﻟﻜـﻮﻥ ﻛﻠـﻮ ﻓﻲ ﻧﻈﺮﻱ ﻣﺎ ﺑﺴﺎﻭﻳﻬﺎ
***
ﻧﻬﺮ ﺍﻟﻨﻴﻞ ﺑﺘﻬﺪﻱ ﺍﻟﻀﻴﻒ ﺳﻮﺍﺩ ﻋﻴﻨﻴﻬﺎ
ﻭﻧﻬـﺮ ﺍﻟﻨﻴﻞ ﻛﻼﻣـﻲ ﺍﻟﻔـﻴﻬﺎ ﻣـﺎ ﺑﻜــﻔﻴﻬﺎ
ﻧﻬــﺮ ﺍﻟﻨﻴﻞ ﻗــﺪﺭ ﻣـﺎ ﻗﻠــﺖ ﻣـﺎ ﺑﻮﻓـﻴﻬﺎ
ﻭﻛﺎﻥ ﺩﺍﻳﺮ ﺳﻌـﺎﺩﻩ ﺍﻟﺪﻧﻴـﺎ ﺍﺳﻜﻦ ﻓﻴﻬﺎ
***
ﻧﻬــﺮﺍﻟﻨﻴﻞ ﺩﻭﺍﻡ ﺑـﻲ ﺳــﻴﺮﺗﻪ ﺑﻨﺘﺒﺎﻫﺎ
ﻭﻧﻬﺮ ﺍﻟﻨﻴﻞ ﺩﻱ ﺭﺑﻨﺎ ﺑﺎﻟﺠﻤﺎﻝ ﺧﺼﺎﻫﺎ
ﻧﻬـﺮ ﺍﻟﻨﻴﻞ ﻣﺤﺎﺳﻦ ﺍﻟﺪﻧﻴﺎ ﺟﺖ ﻻﻣﺎﻫﺎ
ﻧﻬــﺮ ﺍﻟﻨﻴﻞ ﺩﻱ ﻣﻨـﻲ ﻭﻟﻴﺎ ﻣـﺎ ﺑﻨﺴﺎﻫﺎ
***
ﻧﻬــﺮ ﺍﻟﻨﻴﻞ ﺑﺘﻜــﺮﻡ ﺿـﻴﻔﻪ ﻋــﺰ ﺍﻟﻠﻴﻞ
ﻭﻧﻬــﺮ ﺍﻟﻨﻴﻞ ﻗﺴﻢ ﻣﺎ ﺑﻠﻘــﻲ ﻟﻴﻬﺎ ﻣﺜﻴﻞ
ﻛـﺎﻥ ﺑــﺪﻭﺭﻧﻲ ﺍﺛﺒﺖ ﻟﻴــﻚ ﺑﺎﻱ ﺩﻟﻴﻞ
ﺗﻌﺎﻝ ﻳﺎ ﺍﺧﻮﻳﻪ ﻋﺎﺑﺮ ﺳﺎﻱ ﺑﻨﻬــﺮ ﺍﻟﻨﻴﻞ
***
ﻧﻬـﺮ ﺍﻟﻨﻴﻞ ﺩﻱ ﻣﻀﻴﻔﻪ ﻟﻠﺒﺪﻭﺭ ﺍﻧﺠﻢ
ﻭﻧﻬــﺮ ﺍﻟﻨﻴﻞ ﺑﻠــﺪ ﻧﻔﺪﻳﻬﺎ ﻋﺎﺩ ﺑﺎﻟﺪﻡ
ﻗﻮﻟﻲ ﺣﻘﻴﻘﻪ ﻣﻮ ﺳﺎﻛﺖ ﻋﺒﺎﺭﺍﺕ ﻧﻢ
ﻧﻬﺮ ﺍﻟﻨﻴﻞ ﺩﻱ ﻣﻔﺨﺮﻩ ﻟﻠﺠﻤﻴﻊ ﺣﺮﻡ
***
ﻧﻬـﺮ ﺍﻟﻨﻴﻞ ﻳﻤﻴﻦ ﺗﻌﺪﻝ ﻣﺰﺍﺝ ﺍﻟﺮﺍﺱ
ﻭﻧﻬـﺮ ﺍﻟﻨﻴﻞ ﺑﻠﺪ ﺳـﻜﺎﻧﻪ ﺟﺖ ﻓﺮﺍﺱ
ﻧﻬﺮ ﺍﻟﻨﻴﻞ ﻣﻜﺎﻧﺘﻚ ﻋﻨﺪﻱ ﻣﺎ ﺑﺘﻨﻘﺎﺱ
ﻭﻗــﻮﻟﻲ ﺍﻟﻔﻴﻬﺎ ﺩﺍﻳﺮ ﻟﻴﻬﻮ ﻛﻢ ﻛـﺮﺍﺱ
***
ﻧﻬــﺮ ﺍﻟﻨﻴﻞ ﺑﻠﺪ ﻳﺼﻌﺐ ﻋﻠﻲ ﻣﻮﺻﻮﻓﻪ
ﻧﻬــﺮ ﺍﻟﻨﻴﻞ ﺑﺘﻜﺮﻡ ﺩﻭﻥ ﺗﺮﺍﻋﻲ ﻇﺮﻭﻓﻪ
ﻛﺎﻥ ﺗﻤــﻠﻚ ﻗــﻮﺍﻓﻲ ﺍﻟﻨـﻢ ﻭﻛﻞ ﺣﺮﻭﻓﻪ
ﻣﺎ ﺑﺘﻮﺻﻔﻠﻲ ﻧﻬﺮ ﺍﻟﻨﻴﻞ ﺩﻱ ﺍﻻ ﺗﺸﻮﻓﻪ
***
ﻧﻬــﺮ ﺍﻟﻨﻴﻞ ﻓـﻮﺍﺭﺳﺎً ﺟــﺖ ﺟﺒﺎﻫﻦ ﻏٌﺮٍ
ﻭﻧﻬﺮﺍﻟﻨﻴﻞ ﻗﻮﻟﻲ ﺍﻟﻔﻴﻬﺎ ﻣﺎﻫـﻮ ﺗْْﻌﻨَﺼّﺮَ
ﺍﻟــﺰﻭﻝ ﺍﻟﺒﻴﺴــﻜﻦ ﻓــﻮﻗﻬﺎ ﺑﻄﻠـــﻊ ﺣُﺮَ
ﺷــﺎﻓﻌﻦ ﺍﻟﺼﻐـﻴﺮ ﻟﻲ ﺿﻠــﻮ ﻣﺮﻩ ﺑّﺼّﺮَِ
***
ﺍﺻــﻼً ﻧﺤﻦ ﻓــﻮﻕ ﺍﻟﻔﺎﺭﻏـﻪ ﻣﺎ ﺑﻨﻨﺠﻤﻪ
ﻧﺤﻦ ﺍﻭﻻﺩ ﻣﻜﻮﻙ ﺍﺧﻮﺍﻥ ﻣﻬﻴﺮﻩ ﻭﺷﻤﻪ
ﻭﻛـﺖ ﺍﻟﻨﺎﺱ ﺗﻔـﺰ ﻭﻣﻦ ﺍﻟﺠﻴﻮﺵ ﺗﺘﻠﻤﻪ
ﺑﻨﺨﻠــﻲ ﺍﻟﻌـــﺪﻭ ﻟﻴﻠــﻮ ﻭﻧﻬــﺎﺭﻭ ضلمه
error: Content is protected !!